Is badan ko apne ek chamdhe ka thaila samjho
Jis ke andar ek chalta phirta kaarkhana hai
Ya yun kah lo ye shareer hamara ek Robot hai
Jise banane wala koi bada hi gyaani hai
Ya koi kaarigar bahut sayana hai
Yahaan sabse ooper ek 'super computer' hai
Jo sab control mein rakhta hai
Do camere aur do audios iski 'input' device hain
Aur ek speaker deta isko voice hai
Vigyaan ke asoolon ko banane walon ko bhi
Is Robot ko banane wale ne hi banaya hai
Yeh kudrat ka namoona hai
Ise shayad hi koi samajh paaya hai
Ek aur badi khoobi hai iski jise koi saka na jaan
Na jaane yeh Robot kabhi kabhi rota kyun hai
Kyun kabhi kabhi khil khila kar hansta hai
Kyun dekh ke kisi khoobsoorat Robot ko
Yeh dhak dhak karne lagta hai?
Kyun kisi pe meharbaan hai ye
Kyun kisi se pareshaan hai ye
Kyun kisi ko maloom nahin
Kitne din ka mehmaan hai ye?
Jis din iski machine band hui
Is Robot ko kuchh aur Robot
Kandhon par lekar jayenge
Ya to isko dafnayenge
Ya agni ise lagayenge
Kitna bhi honhaar yeh yantra ho
Har Robot ka bas ek hi ant hai.
Ashok Lal, ablsl1971@yahoo.co.in
Read More...