This week my Poem is also a bit thought provoking in the sense that it questions man’s forays into space, when he has not been able to even curb hunger and warfare right here on earth.
Kyun chaand pe jaate ho?
Kyun taaron ko khojte ho?
Pahle zameen ko to sanwaar lo
Agar kuchh kar sakte ho
Insaan ne banaye insaan se
Ladne ke liye hathiyaar
Yun bomb giraye, le leen jaanen
Ek sang kayi hazaar
Yahaan rondhte ho zindagi ko
Wahaan jeevan dhoondhte ho?
Kyun chaand pe jaate ho?
Waise hi zameen par kya kum hain
Ladne marne ke maidaan?
Tum juta rahe ho antarishk mein
Jangon ka samaan?
Yahaan phail rahi hai bhukmari
Yahaan phail raha hai aatankwaad
Kya use kam kar sakte ho?
Kyun chaand pe jaate ho?
Chalo maan bhi lein tumhen mil jaayen
Wahaan jeevan ke aasaar
Hoga woh khuda ka hi banda
Kya kar lo ge sweekaar?
Kis dharm aur jaat ki ginti mein
Use shaamil karte ho?
Kyun chaand pe jaate ho?
Kyun taare khojte ho?
Pahle zameen ko to sambhaal lo
Agar kuchh kar sakte ho.
Ashok Lal
ablsl1971@yahoo.co.in
Read More...