Naam japan kyun chjorh diya
Tu ne naam japan kyun chhorh diya
Aisa kya hai tu ne paaya
Aisa kya tu ne kho diya
Ki Eesh se naata torh diya.
Naam japan kyun chhorh diya?
Kyunki us ne hawa chalayi
Saans tu lene paata hai
Bhookh pyaas harne ko teri
Woh kya kya cheez ugaata hai
Daan daya ka lekar us se
Kyun daan ka matka phorh diya
Naam japan kyun chhorh diya?
Sukh dukh jo bhi tu paata hai
Sab us ka lekha jokha hai
‘gar tu samjhe ise karni apni
Ye tere mann ka dhokha hai
Vidya, gyaan sab den usi ki
‘Aham’ kyun mann se jorh liya
Naam japan kyun chhorh diya?
Is duniya mein aakar sabko
Ik na ik din jaana hai
Koi bhi kitna ooncha udh le
Sabka wahin thikaana hai
Nek raah dikhlaayi hai usne
Tu ne kyun rasta morh liya
Naam japan kyun chhorh diya?
Read More...